الغضب يسيطر على نانسي عجرم أثناء وجودها في مطار بيروت

نشرت الفنانة نانسي عجرم، فجر اليوم الخميس، مقطع فيديو على حسابها عبر "تويتر"، من مطار بيروت وسط اكتظاظ الناس فيه.

وعلّقت عجرم على الفيديو بالقول "أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي"، متسائلةً "هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟".

وتابعت في تغريدة أخرى "بكل بلدان العالم بكون للمرأة الحامل والطفل الرضيع استثناءات.. إلا عنا.. يمكن لأن مفكرينا Option؟ يا حبايب قلبي هيدي من أبسط حقوق المرأة هيدا واجبكن تجاه كل امرأة. مش كافينا ريحة الزبالة بالمطار؟ والإهمال؟".

وتساءلت "ما عندكن ولاد أو ما بتحسوا بولاد الناس؟"، مضيفةً:"راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا.. لهون وبس"، وختمت:"هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ عيب عليكن".

قد يهمك أيضًا:

تعرّف على دور نهر "بردى" التاريخي في قيام مدينة دمشق

ثلاث وجهات رائعة في القارة الأفريقية للاستجمام