الفنانة السورية شكران مرتجى ترد بقوة على ريما الرحباني

ردت الممثلة ​شكران مرتجى​ على انتقادات ريما الرحباني لمن يغني فيروز قائلة: “سؤال بكل حب ل ريما الرحباني ….بما انه ممنوع حدا يغنيلها بقدر دندن بالبيت معها لحالي وقت كون عم أسمعها بقدر حب الضيعه والبحر والصبح والليل والغياب وبياع الخواتم وبترا وميس الريم وراجح والحب بسببها معليش نسمع فيروز!!! (سبب البوست دوروا عليه بتصاريح ريما الرحباني ع غوغل )”

وكانت ريما قد قالت :”

“تحذير وآخر تحذير قبل الملاحقة القانونية لجميع أهل الفن كباراً وصغاراً وللساسيم الكريمة ولكل مين صاير بيمد إيدو على أغاني فيروز والأخوين رحباني. اذا صاير في شي إسمو يوتيوب وغيرو من الوسايل المُتاحة لمين ما كان ما معناتا بتقدروا بوقاحة مُطلقة تتطاولوا على الإرث الفيروزي الرحباني!

اقرا ايضا

ابنة وفاء موصللي بأحدث ظهور لها عبر مواقع التواصل الاجتماعي

لذا ممنوع منعاً باتاً تسجيل وإعادة الأعمال وتوزيعها على أي كان بيدون مُراجعة الورثة كافة وأخذ الموافقة المُسبقة والخطيّة، إن أُعطِيَت، تحت طائلة المسؤوليّة والملاحقة القانونيّة.

هلق صحيح إجمالاً الآداء العلني مسموح إنّما بثلاث شروط. الشرط الاوّل عدم التحريف بالأغاني وعزفها وتأديتها زََيْ ما هيّي.

وهيدا شي ما عم يحصل. لأن عم يتم التحريف والتشويه كمان! عزفاً وآداءً ولفظاً ومدّاً وجزراً.. يا رب إرحم! واذا ما تم التحريف عمداً ما عم يصيبوا النوطات حُكماً فإذن في تحريف لا بل تشويه!

الشرط التاني دفع مستحقات الآداء العلني للساسيم وفقاً للشروط العامة المعمول بها وبالإستناد الى برنامج أغاني و/أو موسيقى الحفل، وعن كل حفل.

الشي اللي كمان ما عم يحصل! والشرط التالت عدم تسجيل أو تصوير او إستغلال او توثيق هكذا مجزرة! الشي اللي كمان ما عم يحصل لأن الكل عم يصوّر بما فيهن الجمهور!”

قد يهمك ايضا

النجمة السورية شكران مرتجى تكشف عن حرمانها من الإنجاب

شكران مرتجى وابنة أختها تتعرضان لحادث سير